2010/05/19

احلى واغلى تاج





  ;اذكر اسم من طلب منك حل هذا الواجب.


هو بصراحه اتنين اللى طلبوه منى قطتى وانا بشكرها اوى والله انا حبيتها انا من غير مااعرفها هى شكلها بنوتة عسولة كته
 واحمد راضى اخويا وصديقى طبعا انا بشكركم عشان بس كنت عاوزة اجرب حكاية التاج دى فضولية انا اوى اوى 


* اذكر القوانين المتعلقة بهذا الواجب.
القوانين هى :
1- اذكر اسم من طلب منك حل هذا الواجب
2-تحدث عن ستة اسرار قد لا يكتشفها من يقابلك للمرة الاولى
3-حول هذا الواجب الى ستة مدونين واذكر اسمائهم مع روابط مدوناتهم ف موضوعك
4-اترك تعليقا ف مدونة من حولت الواجب عليهم ليعلموا عن هذا الواجب





* تحدث عن ستة أسرار قد لا يكتشفها من يقابلك للمرة الأولى.

اممممممم ستة مرة واحده ههههه
1- هو احيانا لا هو علطول بصراحه الناس بتفتكرنى رخمه وبتنك عليهم والحقيقى غير كده خالص انا بس مش باخد ع الناس بسرعه غير بقه لو كنت اتكلمت معاهم قبل لكن غير كده اى حد اقابله لاول مرة بسمع منه تعليقات بعد كده ايه مسخرة بجد ههههه رخمه ورذلة ههههههه وانا بتقبل ده عادى لانى عارفه انى ببان كده بس بعد كده لما بعرفه كويس ببقى عادية ببان بشخصيتى العادية ومببقاش رخمه بقه


2- ممكن ابان غامضه شوية وناس كتير يقولولى انتى مش عارفينلك مود ولا انتى فرحانة من زعلانة هههههه بس انا ف البيت حاجه تانيه خالص غير كده لمابكون زعلانة بيبان واما ااكون فرحانة بيبان بردو الهبل والجنان بيشتغل يعنى

3- فى بقه سر حتى اهلى مش مكتشفينه فيا البرود وان اى حاجه ممكن متاثرش فيا رغم انى من جوايا اقل حاجه ممكن تاثر فيا واى مشكله ممكن تحصل افضل افكر فيها واشيل نفسى الذنب ودماغى توجعنى بقه
بس انا لمابتاثر باى حاجه او اى حاجه بتضايقنى  مش بحب ابينها لانى مش بحب ابان ضعيفه حتى قدام اقرب الناس ليا

اممممممم متهيالى مفيش اسرار تانى غير دول اللى عرفت اجمعهم

* حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.
احول التاج هو انا لسه بقالى فتره قليله فمعرفش ناس كتير او اللى اعرفهم اتبعتلهم التاج
بس هبعته ل
1- الزمن الجميل (ماما امولة )
2-روح طفله مش عايزة تكبر (lady E)

* اترك تعليقًا في مدونة من حّولت الواجب عليهم؛ ليعلموا عن هذا الواجب.

حادر من عنيا

هناك 3 تعليقات:

2otety يقول...

ملوكاااا العسولة تعليقاتك حلوة و لو انك مكتبتيش الستة بيتهيئلى لو فكرتى شوية اكيييد هتلاقى حجات كتيييير , لان الواضح انك شخصية حكاية و انا بعتبر نفسى محظوظة انى اتكعبلت فى بنوتة شقية و مميزة زيك كدا و حسة اننا ان شاء الله فى وقت قصير هنكون اصحاب جمديييين تحكياتى ليكى

Malooka Yousef يقول...

قطتى لا كفايه التلاته دول حلوين احسن ماتتعقدوا منى ولا حاجه ههههه وانا والله ارتاحتلك من غير معرفك وان شالله اكيد هنكون اصحاب جامدين اوى بس ع الله مجبلكيش صداع بس ههههه

ونورتينى ياقمر ميرسى ليكى اوى

مدونة بحبك يقول...

مبروك عليكي التاج وعقبال تاج فرحك ان شاء الله
واسرارك جميلة ومش وحشة ولا حاجة بس المفروض يكونوا 6 اسرار والا انتي عاوزة تورينا الغموض اللي عندك
وربنا يعينك في مذاكترتك وتتفوقي في دراستك
دمتي متالقة ومتميزة دائما