أمـــــــــــى

امــــــــىُ 

دنيتناَ بتهوُى اَركاَنهاَ 

واَنا بصرخُ وبعض ف كمُـــــــى 

ياَماَ ضمتناَ ف احضاَنهاَ 

ياَدنياَ ضميناَ ضمُـــــى

ياَدنياَ التاَيهينٌ الضاَيعيٌن 

ياَولاَد الدنياَ المنسُيين 

ساَمعين ولاَ انتوا مش ساَمعين

ولا داريين بيهاَ ولاَ بهمٌى 

خدواَ اياَم عمٌرى وافدوهاَ 

خدوًا نور احــــلامى وردٌوهاَ

مدواَ ايديكمٌ مدوهـــــــاَ

من قلب الَبير المتغمــــىُ

اأمى ام الَدنياَ بحــــــــاَلهاَ

كاَنت عيشألناَ وف حاَلهـا

واهى بتروح والروُح رايحلهاَ

وقلوبناَ بتدعىُ وتسمـــــــــى  

لقُد اخذناَ من اَلَدنياَ كل اَلَهمومٌ

اَنا 

وُ اَنت 

ف اَعطينىُ كل همٌك 

وُ 

ضعهٌ على همُى 

لا اَريدٌ ان اَراَك حزينُ 

بتـــــألم ولكــــن

لـ‘ــو حـد فينـ‘ـآ لآ آ آ آزم يتألــ‘ــم ،، يبقـى [ أنــ‘ــآ ]

و هبقـَـى مبسـوطـَـه [♥]

قــــــــــــرار

                                                            قـــــــرار

انا معرفش مسئوليه لما حد ياخد قرار وخصوصا لما ياخد قرار ويندم عليه انا علطول كنت بقول هتغير وهغير من نفسى

بس مكنتش اتمنى انى اتغير بسبب حاجة معينه ممكن تهدنى

اصعب حاجه فى الدنيا لما اللواحد يتوه انا بقالى فترة كبيرة تايهه مش برد ع حد مش بكلم حد ف عالم تانى 

نفســــــــى كل حــــاجة ف حياتى وحشة تخلص نفسى 

جدران الفـــراق

ف يوم تركتنى وقطعت خيوط الحب الذائبة بيننا .. فكم كانت اهوائنا صعبة .. كم كانت النفوس تشتاق .. كم كانت الروح تذوب عند اللقاء

كم كان حائط الامانى يعلو ويعلو .. كم احببتك ولم تشعر .. كم ناديتك ولم تسمع .. كم احتاجك ولم اجدك 

الحياة نعم ليس لها معنى .. فانهيار احلامى كان صدمة بدونك .. واستسلامك لبعدنا كان عذاب 

هى كلمة كم كنت اتمنى سماعها .. انتظرى 

هى دمعه كنت اتمنى رؤيتها .. ل انتظر 

كم كنت واضح معى منذ البداية .. كم كنت غامض ف النهاية 

فهى نقوش على جدران الفراق .. فهو نهاية كل حكاية وبداية كل نهاية 

وارواحنا تذوب وتنهار بين كل حكاية وحكاية 

ولكن .. ف النهاية يرحل القلب وتبقى البقايا .. 

هتـــــــــعدى

بسم الله الرحمن الرحيم

الفترة دى فترة صعبة طبعا كالمعتاد فترة المذاكرة الرخمة اللى مش بحبها ف اكتر توقيت غريب ف السنة اللى هو الصيف :)
والضغط كبير اوى بس ربنا يعديها على خير
عموما كله بيعدى حلو وحش صعب سهل كله بيعدى

بصراحة انا كنت علطول بقول محتاجة حد جنبى يقوينى ويبقى معايا وكده بس الحمد لله كفاية ان ربنا معايا
بس دلوقتى انا حسة انى هقدر اقف وهقدر اكمل متهيالى انى مش هتحايل على حد تانى عشان يبقى جنبى
اممممم اوقات لما بقعد مع نفسى كده بقول يااااه معقول كل ده حصل
انا مش عاوزة ابقى حاجة مهمشة فى حياة حد عشان انا مش قليلة اوى كده
عاوزة اقول كمان لصحبتى واختى برغم ان كلامك كان قاسى اوى عليا بس فوقتينى
بجد بشكرك اوى لولاكى كان زمانى فضلت كده مستسلمة للامر الواقع

متهيالى مفيش حاجة تانية
اشوف وشكوا بخير لحد بقى مااخلص امتحانات لان عندى امتحانات الاسبوع الجاى
والضغط جامد بسبب ضيق الوقت ربنا يسترها وتعدى على خير

انـــــــــا اسفة

انا اسفة

المرة دى انا مش بقولها لحد
بس بقولها لنفسى
انا اسفة انى هنتك كتير وتعبتك كتير
انا يمكن معرفتش قيمتك غير دلوقتى
بعد ماحسيتك هتضيعى منى
كنت برضى ناس كتير على حسابك انتى
وكنت بضغط عليكى كتير عشان عارفة انك هتستحملى
انا اسفة وخلاص مش هخليكى ضعيفة كده تانى ولا مكسورة كده تانى

حــــــياتى وانـــــت

برغم الامى التى تالمتها فى بعدك ولكنى اكتب لك
برغم توقف حياتى فى غيابك ولكنى مازلت هنا لاكتب لك
لاجــــــلك

لا اعلم اليوم عن ماذا اكتب ؟
لا اعلم

هل اخبرك انى مازلت انتظرك ؟
بانى مازلت اشتاقك
ام عن يوميات حياتى المملة من دونك

تعلم ياحبيب عمرى وايامى انى لا اريد رجل غيرك
لا اريد ان اعشق تفاصيل احد سواك

ستظل ملكا متوجا ف قلبى
سيظل طيفك يسكن ارجاء حجرتى
وتبقى صورتك الى الان تحت وسادتى

فانا ياحبيبى عشقت البكاء لاجلك
واحببت الامى لانها منك
احتاجك وبشدة ولكنى اشعر بك حولى بجانبى
يضايقونى كثيرا بعاتبهم لى
اين هو من كان وكان
عندها التقط انفاسى
واقول انه بداخل انفاسى انه بداخلى احتويه بقلبى

احيانا كنت اتمنى ان اكون هكذا بداخلك مثل ما انت بداخلى
تعشقنى مثل مااعشقك
ولكنى احمد الله.......
لولا ذلك ماكنت احببتك لهذا الحد

لا اريد سوى ان اظل احبك اظل اتخيل بانى معك
فمجرد رؤيتك فى احلامى تجعلنى اكره واقعى بدونك

وبقـــــيت انـــــــا

وبقيت انا هنا ف هذا المكان اتذكر

اتذكر لهفتك وانت تحدثنى عن غدا
اتذكر بريق عيونك

اتذكر عندما كان قلبى يخفق وانت ترددها لى
احبك احبك احبك

اتذكر الاحاديث التى كانت بيننا و انا اترقب حركاتك
وعندما كنت تتضجر وانا ازيد فى عنادى لارى انبهارك

اتذكر هنا فى هذا المكان تشاجرنا سويا
اتذكر عندما تمنيت امنية سرية وانت بجانبى

وقتها شعرت بمعنى الامان
شعرت بحب غريب كثييير


ابحث عن تفاصيل وجهك الذى اشتاقه كثيرا
ابحث عن حبك الذى ضاع من يدى كانة زجاجة الملم بقاياها

اليوم

اشعر بانى تائهه ابحث عنك

اشعر بانك معى وليس معى

اشعر بوجودك ولكن لا اشعر بتفاصيلك

انت قريب وبعيد
انت تجرحنى وتداوينى

انت املى والمى

كم تمنيت ان تكون معى الان

لنتذكر لنحلم
ولكنى الان وحدى بدونك 

بقيت وحدى اتذكر وحدى احلم  

فضفضـــــة

بسم الله الرحمن الرحيم 

الفترة دى تعتبر فترة تحول فى حياتى انا بشوف كل حاجة بتحصل وساكته 

اول مرة احس انى مش عاوزة اعلق على اللى بيحصل 

وكمان حسيت ان محدش مهتم يسمعنى 

 للاسف محدش بيدفع التمن غيرى انا فى الاخر 

برضى الناس وعمرى مافكرت ارضى نفسى وفى النهاية ملقتش حد يرضينى 

وفضلت فى الاخر انا لوحدى بلم فى اللى باقى منى 

بالرغم انى حسة انى بقيت قوية وفى نفس الوقت حسة ان مشاعرى ماتت اجمدت 

وانا بقول لكل فعل رد فعل وده رد فعل طبيعى لكل اللى جرحنى والمنى فى وقت كنت محتاجه فيه حد يطبطب عليا  

قررت اهرب ولوانى عارفة ان الهروب مش هو الحل بس يمكن على الاقل ارتاح  

انا مسلم ........ ولكــــــن

بسم الله الرحمن الرحيم

كتير اوى لما بنتسال انت مسلم بنقول الحمد لله

بس السؤال الاهم بقى احنا مسلمين اه ( بالاسم ) بس ياترى معظمنا يعرف كل حاجه عن الاسلام
نعرف ايه اللى مفروض كله واللى مش مفروض
ايه الغلط من اللى مش غلط
ده احنا ممكن بتغلط وبنبقى عارفين انه غلط وبنعمله بردو
بس للاسف احنا بنبرر لنفسنا بنقول ( محدش معصوم من الغلط ، احنا بشر ولازم نغلط وهكذا )
بس احنا طول مابنبرر لنفسنا هنفضل نغلط برغم اننا عارفين انه غلط
سالت نفسى قولت طب ليه انا بغلط وبعمل كده وانا عارفة انه غلط

كل واحد فينا يمكن معلوماته مش اوى
انا مقدرش احكم على كله طبعا بس مثلا ف نطاق المجتمع اللى حواليا اللى هو ( الجامعه)
نادرا لمااحس ان فى حد عارف كل حاجه
يعنى اللى دماغه ف الاغانى
واللى دماغها ف اللبس وانه تبقى شيك واللى دماغها ف المذاكرة
يعنى الفترة دى انا مركزة اوى عشان عاوزة اعرف كل حاجه ف بحاول استغل اى مصدر ادامى
سواء ف النت او كتب
امممممم زعلت اوى انى معرفش كل حاجه عن دينى لحد دلوقتى
وزعلت ان ملقتش حد حواليا يشجعنى انى اعرف
بس قولت بقى ليه انا مجتهدتش من نفسى واعرف مدام انا عندى القدرة دى
وليه لو عرفت او اى حاجة احاول اخلى اللى حواليا يستفيد
وليه اى حد ميعملش كده
لو كل واحد فينا عمل كده ممكن نبقى احسن بكتير
فى اجه غريبة بردو بلاحظها ان لماحد يفكر ف كده فى ناس كده يقعدوا يقولولك انت خلاص الايمان نزل عليك
بجد بتضايق اوى من الجمله دى وبسمعها كتير
ف النهاية انا عاوزة اقول انى مش ملاك ولا حد فينا ملاك
وانى ندمانه انى ضيعت كل الوقت ده فى جهلى وعدم معرفتى بالحاجه اللى بتحمينى

بس اتمنى ان ربنا يهدينا كلنا

يــــــــــــــــــارب سامحنى

ابكتنى كثيـــــرا

تتجلى عظمة الخالق.. في الحديث القدسي الشريف
قال سبحانه وتعالى:
( يا إبن آدم جعلتك في بطن أمك .. و غشيت وجهك بغشاء لئلا تنفر من الرحم ..
و جعلت وجهك إلى ظهر أمك لئلا تؤذيك رائحة الطعام ..
و جعلت لك متكأ عن يمينك و متكأ عن شمالك
فأما الذي عن يمينك فالكبد .. و أما الذي عن شمالك فالطحال ..
و علمتك القيام و القعود في بطن أمك .. فهل يقدر على ذلك غيري ؟؟
فلما أن تمّت مدتك..
و أوحيت إلى الملك بالأرحام أن يخرجك فأخرجك على ريشة من جناحه..
لا لك سن تقطع ... و لا يد تبطش...
و لا قدم تسعى .. فأنبعث لك عرقين رقيقين في صدر أمك يجريان لبنا خالصا..
حار في الشتاء و باردا في الصيف .. و ألقيت محبتك في قلب أبويك..
فلا يشبعان حتى تشبع ... و لا يرقدان حتى ترقد ..
فلما قوي ظهرك و أشتد أزرك .
بارزتني بالمعاصي في خلواتك ..
(.. و لم تستحي مني .. و مع هذا إن دعوتني أجبتك ..)
(.. و إن سألتني أعطيتك.. و إن تبت إليّ قبلتك ..)

خلف كواليس القـــــــدر ....

خلف كواليس القدر احارب المستقبل واخاف من اشباحه
لقد علمت منذ يوم ما انى هذا حدى فى رحلة السعادة وان هذة لعبة القدر فى اى مكان وزمان
فهذا ليس اعتراض منى بل اصبح استسلام مجهول اسبابه
استسلام لكل مايواجه حياتى اليومية من علامات تعجب ولكنى سئمت من البحث عن اجابات تهكمية تقلل من شأنى وقيمة احلامى التى اصبحت اشعر بانها ساذجة مقارنة بالواقع المؤلم الذى ادركت منذ قريب انه مؤلم
اعلم تماما نتائج الفشل وهذا احد مخاوفى الكبرى اخاف الفشل كثيرا برغم انه تحقق ف الجزء الاصغر من احلامى ولكنه ف النهاية تحقق وف النهاية لن اتعلم
ولكن لا اتعجب من ماانا عليه فهى حالة مستقرة ورد فعل طبيعى لكل ماحدث
ولكن بداخلى رغبة كبيرة ان اكمل احلامى حتى ولو اصبحت مؤلمة

اسفة عن سوء الكتابة لانى مش اجيد اللغه العربية اوى بس اللى جوايا طلع كده

انا ...............اكــون

 بسم الله الرحمن الرحيم

انا كنت عاوزة اقول انا هكون بس حسة ان حرف ال ه ده بشعلقه فى اى كلمه وكتير اوى وكل حاجة اقول هعمل هروح هاجى والمعظم متهيالى كده بس انا بقه انهاردة بقول انا اكون مش هكون لان حرف ال هـ يعتبر حرف لتاخير احلام فى نظر الانسان مستحيلة


محدش ضامن عمره ولا عارف هيعمل الحاجة دى ولا لا بس المهم اللى جوه لانى هتحاسب عليه لحد اخر لحظة ف حياتى






لما وقفت مع نفسى كده قولت انا اصلا مكنتش حاجة بس مفيهاش مشكله من انهاردة قولت انا اكون
انا بقول كفاية اللى ضاع من حياتى بجرى ورا حاجات مش موجوده حاجات مش ملموسة
لحد امتى هاجل احلامى انا مش شايفة انها مستحيلة هى صعبة بس مش مستحيلة
لحد امتى هقول هتغير ومش بتغير الموت قريب اوى ومش بعيد من اى حد ويوم ماتموت احلامك هتموت معاك
الحق حقق حلم ولو صغير عشان متحسش انك بتقتل احلامك وانت بتموت
الحقق صحح اى غلطة عملتها متقولش هبقى اصلح بعدين
يوم ماهتموت هتقول يارتنى كنت مش اكون

انا مش معقده نفسيا

                                                           بسم الله الرحمن الرحيم

ل كل اللى يسمع انى ف كلية الاداب قسم علم نفس يقولى انتوا اكيد معقدين وكده يااما مجانين
انا بس اللى عاوزه اقوله وده راى ان مفيش حاجه اسمها معقد نفسيا ولا مش طبيبعى بس كل الحكاية ان المرض النفسى بيجى من تراكمات مشاكل ع الانسان لان معظمنا هنلاقيه عنده مشكله نفسيه ف حاجه معينه بس المرض النفسى بيختلف بدرجاته اكيد
انا كان حلمى من زمان اشتغل مدرسة بس لما دخلت المجال حبيته وحسيته حلو اوى بس المشكله ان ف بلدنا مش معترف بان واحد مثلا متخرج من كليه اداب يشتغل اخصائى نفسى يقولك جايبنلى حد من اداب يشتغل اخصائى نفسى ولا دكتور نفسانى هما يفهموا ايه دول لا يوم مااخد حد اخصائ ولا دكتور لازم يكون متخرج من طب يعنى بيقللوا مننا اوى مش عارفة بصراحة نفسى بقه يسبونا نحلم ونحقق احلامنا دى مش نحلم وخلاص نفسى كل حد نفسه ف حاجه يشتغلها لان اكيد كل واحد نفسه يشتغل ف حاجه حاببها لانى طول منا بشتغل ف حاجه مش حباها عمرى ماهنتج فيها
ربنا يكرم كل واحد ويصلح حاله يارب

مصر بتتغير واحنا كمان

                                                         بسم الله الرحمن الرحيم

اول حاجه وحشتونى بجد وشكرا لكل اللى سالوا عنى واسفة على غيابى وان شاء الله ارجع اكتب تانى

تانى حاجه ربنا يرحم كل الشهداء ف احداث الثورة وربنا يصبر اهلهم يارب

تالت حاجه بقه انا مش هحكى فى اللى حصل بس ف الفترة دى فى جمله كل الناس بتقولها ( مصر بتتغير واحنا كمان ) هو فعلا مصر بتتغير ؟ هو فعلا بجد الناس بتتغير ؟ يعنى بيقولوا ان الناس بتتغير ومصر بتتغير

بس يعنى ايه اللى اتغير مهو كل اللى جواه حاجه مهى هتفضل جواه معقول هيتغيروا عشان بلدهم

يعنى كل اللى كان بيعمل عاده سيئة هيبطل يعملها ؟

حقيقى مش عارفة او مش حسة هى اه البلد بتتغير واحده واحده سياسيا وكنظام

بس اللى عاوزة اعرفه بقى واللى محيرنى اوى نفوس الناس بجد هتتغير ولا ايه ؟؟

رابع حاجه بقه انا بدعى من قلبى بجد اننا نكون افضل وافضل اكيد هناخد وقت بس المهم نكون احسن وفى مكانه احسن وبتمنى بجد ان كل الناس تتغير لان فى حاجات كتير اوى جوانا لازم تتغير لو اتغيرت يبقى بجد مصر هتتغير