2010/08/02

نجَمَـاتٌ رَمضَآنِية زَيّن ْبهَا سَماءِكـ ْ×؟

  • كل سنة وانتوا طيبين ورمضان كريم ع امة محمد كلها
  •  
  • ربنا يهدينا كلنا ف الشهر المفترج ده ونبعد عن التلفزيون بقه شوية عشان مليان بطريقه مش طبيعيه
  •  
  • وربنا يهدينا كلنا امين يارب
  •  
  • ودى نجمات رمضانية
  •  
النجمة الاولى
  •  
  •  
  •  
  • .. تذكَّر أن ربَّك يغفر لمن يستغفر، ويتوب على من تاب، ويقبل من عاد ..
  •  
  •  
  • :
  •  
  •  
  • النجمة الثانيه
  •  
  •  
  • .. ارحم الضعفاء تسعد، وأعطِ المحتاجين تُشافَى، ولا تحمل البغضاء تُعافَى ..
  •  
  •  
  • :
  •  
  •  
  • النجمة الثالثه
  •  
  •  
  • .. تفاءل فالله معك، والملائكة يستغفرون لك، والجنة تنتظرك ..
  •  
  •  
  • :
  •  
  •  
  • النجمة الرابعه
  •  
  •  
  • .. امسح دموعك بحسن الظن بربك، واطرد همومك بتذكُّر نعم الله عليك ..
  •  
  •  
  • :
  •  
  •  
  • النجمة الخامسه
  •  
  •  
  • .. لا تظن بأن الدنيا كَمُلت لأحدٍ، فليس على ظهر الأرض مَنْ حصل له كلُّ مطلوبٍ، وسلِم من أيِّ كدر ..
  •  
  •  
  • :
  •  
  •  
  • النجمة السادسه
  •  
  •  
  • .. كن كالنخلةِ عاليَ الهمَّة، بعيد عن الأذى، إذا رُمِيت بالحجارة ألقتْ رطبها ..
  •  
  •  
  • :
  •  
  •  
  • النجمة السابعه
  •  
  •  
  • .. هل سمعتَ أنَّ الحزنَ يُعيدُ ما فات، وأن الهمَّ يُصْلِح الخطأ، فلماذا الحزن والهم !
  •  
  •  
  • :
  •  
  •  
  • النجمة الثامنه
  •  
  •  
  • .. لا تنتظر المحن والفتنَ، بل انتظر الأمن والسلامَ والعافية إن شاء الله ..
  •  
  •  
  • :
  •  
  •  
  • النجمة التاسعه
  •  
  •  
  • .. طفيء نار الحقد من صدرك بعفوٍ عام عن كلِّ من أساء لك من الناس ..
  •  
  •  
  • :
  •  
  •  
  • النجمة العاشره
  •  
  •  
  • ..الغسلُ والوضوءُ والطيبُ والسواكُ والنظامُ أدويةٌ ناجحةٌ لكلِّ كدرٍ وضيق..
  •  
  •  
  • اعاده الله عليكم جميعاً بالخير واليمن والبركات
  •  
  •  
  •  
  • وجعله شهر نعتق فيه جميعاً من النيران
  •  
  •  
  • ويكتب لنا دخول الفردوس الأعلى
  •  
  •  
  • ونكون بحوار النبي الاكرم في الجنة
  •  
 

 

 

 

2010/07/21

خــــــــــــــبر عـــــــــاجل

انا انهاردة الحمد لله نجـــــــــــــــحت  ياجماعه وطبعا انا بجد فرحانة جدا لانى كنت فاقدة الامل تماما

بصراحه هو انهاردة كان يوم غريب جدا من اغرب ايام حياتى

حصلت فيه حاجات كتير ولاول مرة انهاردة احس ان احساسى عالى جداااااا هههههههه

لانى قومت الصبح ونزلت الجامعه وانا عارفه ان النتيجة مش هتظهر وقولت انزل يمكن الاقيها وبقولها بتلقائيه جدا

طبعا بعد صعوبات المشوار اللى كنت بروحه كل يوم وواخده السكة قياسه اللى لاول مرة ف حياتى اخد ف الطريق 3 ساعات عشان ااوصل يعنى بدل ساعه بقوا 3 ساعات  معرفش ازااااااى

بجد جامعه حلوان بيخنقوا جدا ف حكاية الدخول دى ومش عارفه ع ايه هندخل نسرقها برغم ان ف ناس كتير بتدخل من تحت لتحت وهما مش فالجامعه اساسا

بجد ف قلة ذوق فظيعه حتى ف التعامل مع الناس كان اللى بيشتغلوا ف الحكومة دول حاجه كده فوق اوى مش ناسيين انهم بشر زينا وان ممكن ولادهم يتحطوا ف نفس المواقف اللى هما  بيهنونا فيها

بعد ماوصلت بالسلامة واخيررررا وصلت لارض الوطن

لقيت اصحابى بيقولولى تعالى نجرب نجيب النتيجة من الكنترول انا طبعا جبانة جدا قولتلهم لا هاتوها انتوا انا هستناها لما تنزل

بس الفضول ف نفس الوقت كان بيموتنى انى اعرفها وكالعاده كتبت اسمى وطلعت كل نتايج زمايلى الا انا

فيييين لورقه الورقه جوة وضاعت تقريبا اللى فيها اسمى قولت خلاص مليش نصيب اجيبها

زمايلى الله يكرمهم فضلوا ورا الكنترول لحد ماجابوها والحمد نجحت

وبجد ربنا ينجح ويكرم كل الناس اللى لسه مطمنوش وينجحوا كلهم امين ياررررررب

2010/07/15

مطار الحب وطريق العشاق الرحلة رقم 2

على مسافرين الرحلة رقم 2
ربط الاحزمة قبل التوجه الى
مطــــــــار
(( الصـــــــداقـــــــــه ))








بالنسبه لى الصداقه بعتبرها اسمى المشاعر واصدقها

الصداقه ممكن نلاقيها ف اماكن كتير اوى وباشكال مختلفه

بص ودور هتلاقيها هنا








 بحس ان الاب هنا ف الصورة بياخد ايد بنته

وبيوريها العالم وبيعرفها تعيش ازاى صح

جميل انك تكون قريب من ابنك او بنتك وتحتوى مشاعره من صغره

                                                  




من صغرنا بيبقى لينا صديق قريب مننا ف المدرسة

تقريبا اكتر حد بترتاحله لما بتتكلم معاه

بتفضلوا عمركوا او مدة طويلة اصحاب

بتحسه زى اخوك او اختك بتحس انك بتميزة اكتر من اى حد من زمايلاك ف الفصل

بس احيانا الظروف ومشاغل الحياة بتبعدكوا عن بعض

بس انا ف راى كل واحد ف ايده اذا كانت العلاقه تستمر او لا وبالشكل اللى هو عايزه

يعنى ممكن تستمر  عشان مشاغل الحياه ف مش هتبقى زى الاول

                                           






طول ماحنا ماشيين بنقابل وبنعرف ناس وف الجامعه او ف مكان عمل

بنكون جروبات

وبنقضى مع بعض احلى الاوقات سوا واحلى الذكريات

بس ف الغالب لما بنتفرق او بتخلص الجامعه

العلاقه بتبقى رسمية اوى او بتقل خالص




                                       






ف حياتنا بنقابل شخص وبنعتبرة هو لينا كل حاجه

الاخ والصديق والحبيب وحاجات كتير

بنلجاله لما يكون عندنا مشكله بس هنا الصداقه بتبقى ف حدود

لانه يعتبر  بيشاركك حياتك

ف حاجات ممكن تحكيها لحد قريب منك

صديقك المقرب او اخواتك او اى حد بس مش هتقدر تحكيها ليه هو


                                   
                         






                                    


ف صداقات بتبقى للمصلحه بس

ودى عمرها مابتدوم وكل واحد بيفكر ف مصلحته والسلام

ومتزعلش لو ده حصل لانك هتقابل اصحاب احسن منهم

وهتقدر تكون اصدقاء تانى



ف النهاية اقدر اقول ان وجود الاصدقاء ف حياة اى حد مهم جدا

لان بجد بيهونوا ع الواحد حاجات كتير اوى

وكفاية الذكريات الجميلة اللى محدش يقدر ينساها

مع اصحابة او مع اقرب الناس ليه

وبتمنى بجد ان اى حد ليه اصدقاء يحافظ عليهم

وبلاش يستسهلوا بالموبايل او النت

ع الاقل لو كل واحد فيكوا اتخرج من الجامعه وبعد عن اصحابه

او بينهم يادوب وسيله اتصال

ع الاقل يعملوا حتى يوم ف الاسبوع يتقابلوا فيه

او كل اسبوعين يمكن الواحد بيرتاح لما بيشوف ناس

قضى معاهم اوقات جميلة اوى يرتاحلهم

ومش كل يوم هتلاقى حد ترتاحله


يـــارب الرحلة تكون عجبتكوا ومتكونوش زهقتوا

مـــــــــــــــع تحــــــيــــــ Malooka ــــــــــــاتـــــــى


                                               
                                         
                                               
                                                            
                                               

2010/07/03

استــــــــــــراحه قصيرة


 ازيكوا ويارب تكون الرحلة عجباكوا

انا قولت عشان متزهقوش من الرحله

قولت ناخد استراحه كده عشان نكمل الرحله سوا

ومحدش يقول بقه عايز ارجع



ويظل الكتمان اصعب من المستحيل

مازلت ابحث بداخلى عن شئ من الامل قريب

ومازال الفراق صديقى الوحيد

وكأان الحياه تمر امامى وانظر اليها من بعيد

انتظر شئ ياتى وكانه بعيد عن عيونى

والامل يغرس فى قوة لكى اتحمل

لا اعلم هل هى رفقه بدموعى ؟؟؟

2010/06/24

مطــــــــار الحـــــب وطريق العشاق الرحلة رقم 1

على مسافرين الرحلة رقم 1 ربط الاحزمة قبل التوجه الى مطــــــار


                                                                      ( الاذى ف الحب )

قبل ماابدا واتكلم ف اى حاجه انا كنت مرتبة لرحلة تانيه خالص غير دى

بس اللى شوفته هو اللى خلانى اتكلم وابدا وتكون دى اول رحلة

امبارح اتفرجت ع برنامج صبايا البرنامج ده يمكن اوقات بحس انه مفيد واوقات بحس انهم بينصبوا ع الناس

ولحد الان مش عارفه احدد اذا كان مفيد ولا ايه

المهم ادخل ف الموضوع عشان مطولش عليكوا

انا بس عايزة اجابة لسؤال واحد

ازاى تكون بتحب حد وتفكر تأذيه ؟؟؟؟؟؟؟؟

ازاى تأذى حد من لحمك ودمك ازااااااى ؟؟؟

شوفت حالة لبنت عمرها 28 سنة وكانت متزوجه وعندها طفل عمره 7 سنين

البنت اتخطبت لواحد شكله ابن ناس وبيشتغل وقالها انه بيشتغل ف رئاسة الجمهورية

اهلها كانوا عايزين يستروها وخلاص واتخطبتله لما عرفت حقيقه شغله وانه مش شغال اصلا

قالتله خلاص ياابن الناس كل واحد ف طريق وزى ماخرجنا بالمعروف نخرج بالمعروف

ليه وليه بقه تقوله كده وليه وليه تفسخ الحطوبة

لا طبعا تعالى يابنت الناس تانى يوم رايحه الشغل مشى وراها

ندهلها ودلق مية نار ف وشها فقدت عنيها واتشوهت كلها بعد ماكانت عايشه وبتصرف ع اهلها ووالدها المريض

انا حكيت كل ده مش عشان البنت ولا انى اول مرة اسمعها لا انا حسة انها بقت موضه دلوقتى

اى حد مضايق من حد ينتقم منه انه يشوهه ويفضل طول عمره كده

طب يمكن البنت وقعت ف ولاد حلال وهيساعدوها

طب بقه نفرض ان البنت دى موقعتش ف الناس دول كانت تعيش عمرها كله بحصرتها وحصرة ابنها عليها

انا عايزة اعرف ليه بنعمل كده ف بعض لو حد اذيك قوله الله يسامحك ولو ليك حق ربنا هيجبهولك

ليه منخليش الدنيا بسيطة وسهله ونسامح ونسيب الناس تعيش مرتاحه البال

على كده بقه كل واحد يمشى معاه حراسة عشان مينزلش من بيته زى الفل وماشى ع رجله

ويرجع مشوه والناس شايلينه طبعا كله قدر بس مش بالشكل ده مش ناذى بعض كده

انا بس اللى عايزة اقوله ف اخر الرحلة دى  انى نفسى بجد الناس متعملش كده

لو ليك حق سيبه وربنا هياخدهولك لكن مش تاخد حقك كده وبالقوة

وف الاخر بقول الحمد لله على كل نعمة ربنا ادهالنا

اتمنى انها تكون رحلة سعيده هى كئيبه شوية بس كان لازم نعدى عليها

وان شالله تستمتعوا معايا ف الرحله القادمة

مع تحيـــــــــــــــــــــــMalooka ـــــــــــــــــــاتى

2010/06/17

مطار الحب وطريق العشاق




مين ف حياتنا محبش قبل كده وحب وفشل او حب ونجح


لو حبيبك جرحك تاكد انه لو حبك بجد هيرجعلك


ولو محبكش عمرة ماهيفكر ف لحظة يندهلك


لو حبيبك قسى انساه واعرف ان الحنان عمره ماهيفهمه


وبطل ف يوم تعلمه عشان اللى قسى صعب ف يوم تغيره



الحب اجمل احساس ف الدنيا ويمكن يكون اصدق مشاعر نعيشها


وطول مااحنا عايشين هنحب وطول ماجوانا قلب بيدق هيفضل علطول محتاج الحب


وتاكد ان الحب الحقيقى انت لسه معشتهوش واعرف ان الحياه الحلوة انت لسه معشتهاش


وان اللى جاى اجمل ف حياتنا مدام لينا رب عمره ماهيتمنى لعباده الشر ابدا


وبكدا اديتكوا فكرة عن الرحلة معايا هتطول بس المشوار هيبقى الذ واحلى


الرجاء ع مسافرين الرحلة رقمم 1 ربط الاحزمة واخذ نفس عميق


قبل التوجــــه الى مطـــــار.................. المرة الجاية هقولكوا


مــــــــــــــع تحيـــــــmalookaــــــــاتــــــــى

2010/06/14

عـــــــدت على خير

بسم الله الرحمن الرحيم


ازيكم الاول بما انى خلاص خدت الاجازة انهاردة وهقعد بقه ع قلبكوا هههه بس يارب متزهقوش منى


انهارده والحمد لله كان اخر يوم هو طبعا الامتحان كان مش ولا بد وكان غير المتوقع بس الحمد لله انا عملت اللى عليا وحليت


اما بالنسبه لباقى الامتحانات فهى كانت عك فظيييييع والدكتارة اتوصوا بينا اوى بس انا بشكرهم والله ع اى حاجه


ههههههه اصلى مش عايزة ارزعل منهم عشان يكرمونى كده ف الدرجات وانجح بقه واعدى من السنة دى


باذن الله دعواتكوا بقه عشان لما انجح ان شالله واجيب التقدير اللى نفسى فيه هفرق بقه بيبسى وجاتوهات ادعوا انتوا بس


وانا هوجب معاكوا هههه اى خدمه


وعقبال بقه كل اللى بيمتحنوا يخلصوا ع خير كده زى بما انى حسة انى مخلصه بدرى اوى عن الناس كلها

2010/06/11

حــــــــــــــــالة

السلام عليكم  ورحمه الله وبركاته

طبعا المدونة وحشتنى جدا وكل الناس وحشوونى اوووووى

قريب اوى هخلص امتحانات وتخلص من غير العك اللى حصل ف اللى فات

رد فعلا معين كنت متوقعه من شخص معين  وملقتهوش

لما بعدت عن الناس حالتى بقت سيئه عن الاول بكتييييييير

يمكن الفتره دى غيرت فيا حاجات كتير وعرفتنى حاجات مهمه اوى عرفت ان مفيش حد بينفع حد

وتعلمت ان الوحده وانك تبقى لوحدك دى صعب اوى وان الناس مهمين اوى ف حياه كل واحد

وكمان عرفت ان ف مواقف بتبين بجد اللى بيحبك واللى انت متسواش عنده حاجه اصلا

مش هكدب واقول انى كويسه ومن جوايا مرتاحه للتغير اللى حصل فيا

انى بقيت عاقله بقه والرزانه اللى نزلت عليا دى وانا اصلا مجنونة

انا كنت شعنونة كده وبعمل حاجات مجنونة بس كنت مبسوطة عن دلوقتى

 انا حسه انى ندمانة ع حاجات كتير اوى حسه انى كنت معيشه نفسى ف وهم مش موجود اصلا

كل يوم بقول هبدا من جديد بس حسه انى مش قادرة اشيل كل ده لوحدى

كل اللى بيحصل مستغرباه بقيت اسكت ومعلقش ع كل اللى بيحصل وكانه عادى جدا وطبيعى

كنت الاول بنسى بسرعه اى حاجه ممكن تزعلنى بس دلوقت بقيت حساسة اوى زياده عن اللزوم

كل الناس بتبص ف عيونى وبيحسوا انى بقيت مش زى الاول حتى اتغيرت مع اصحابى هما بيستغربوا

انا بعمل كده ليه بس محدش عارف اى حاجه

انا بس كل مشكلتى ان فقدت الامل وفقدت الثقه ف كل اللى حواليا

كل حاجه ليهاا سبب وانا طبعا ليا اسبابى بس كل ده مش هينفعنى دلوقت ف حاجه ولا حتى اللى كانوا السبب

خدت قرارات كده انا عارفه انى مش هقدر اعملها بس بحاول اتعود عليها واعملها هى ف الغالب مش هتريحنى

بس قدام اكيد هتريحنى هتعب دلوقت شويه بس بعدين يمكن ارتاح


انا عرفه انى نكدت عليكوا وانى راجعه بعد غياب المفروض اكتب حاجه تفرح كده

بس انا قولت اللى انا حساه بجد واللى كنت محتاجه اقوله من زمان

2010/05/21

عايزة اركز شوية




السلام عليكم ورحمة الله وبركاتة

ازيكوا اولا انا بصراحه قولت اقولكوا انى هغيب شوية عن المدونة لحد مااخلص امتحناتى

عايزة اركز ومش عارفه خالص وطول الليل والنهار بقه زعيق وخناق وانا اصوووووت ههههههههه وزهقت من كلمة قومى ذاكرى

والجميل بقه ف الموضوع انى بلاقى طرق اتهرب بيها من المذاكرة يااما انام يااما اعمل تعبانة ههههههه حجج منطقية

فانا يادوب فاضلى تقريبا 14 يووم يخرررابى :( ولازم الحق اخلص اى حاجه اخش بيها الامتحان

مش عايزة بقه غير دعواتكوا مش هوصيكوا بقه وخلى بالكوا من مدونتى الكميلة دى لحد ماارجع تانى


مش هتـــــاخر بقه

2010/05/19

ساكن قصادى




ف يوم من الايام صحيت والفرحه هنا وهناك

والكل طاير من الفرحه والزينة ف كل مكان

وقفت ف شباكى وطليت ع الفرحة اللى ف عيون كل الناس واولهم جيرانى

والاقى الكل بيقول عقبالك والرفحة مش سيعانى واتنميت لو اليوم ده جالى

فرحيت وبصيت لاقيت الفرح فرح حبيبى اللى ساكن قصادى

روحت الفرح بليل ورسمة الفرحة ف عيونى

ومشيت وسط الزحام وعايزة اجرى اجرى ومش عارفه اجرى لحد فين

شربت الشربات وعينى باصه عليه والدموع نازلة تسالنى عليه

اتمنيت لو اكون مكانها بس نصيبه يبقى هو حبيبها

ومشينا ودموعى ف عينا واحساس غريب انه فجاه بقه مش ليا

رجعت من تانى والامى هى اللى بقت ساكنه قصادى

مكان حبيبى اللى بقه مش عشانى

وقفلت عليا شباكى ونمت وحضنت دموعى ف احلامى

احلى واغلى تاج





  ;اذكر اسم من طلب منك حل هذا الواجب.


هو بصراحه اتنين اللى طلبوه منى قطتى وانا بشكرها اوى والله انا حبيتها انا من غير مااعرفها هى شكلها بنوتة عسولة كته
 واحمد راضى اخويا وصديقى طبعا انا بشكركم عشان بس كنت عاوزة اجرب حكاية التاج دى فضولية انا اوى اوى 


* اذكر القوانين المتعلقة بهذا الواجب.
القوانين هى :
1- اذكر اسم من طلب منك حل هذا الواجب
2-تحدث عن ستة اسرار قد لا يكتشفها من يقابلك للمرة الاولى
3-حول هذا الواجب الى ستة مدونين واذكر اسمائهم مع روابط مدوناتهم ف موضوعك
4-اترك تعليقا ف مدونة من حولت الواجب عليهم ليعلموا عن هذا الواجب





* تحدث عن ستة أسرار قد لا يكتشفها من يقابلك للمرة الأولى.

اممممممم ستة مرة واحده ههههه
1- هو احيانا لا هو علطول بصراحه الناس بتفتكرنى رخمه وبتنك عليهم والحقيقى غير كده خالص انا بس مش باخد ع الناس بسرعه غير بقه لو كنت اتكلمت معاهم قبل لكن غير كده اى حد اقابله لاول مرة بسمع منه تعليقات بعد كده ايه مسخرة بجد ههههه رخمه ورذلة ههههههه وانا بتقبل ده عادى لانى عارفه انى ببان كده بس بعد كده لما بعرفه كويس ببقى عادية ببان بشخصيتى العادية ومببقاش رخمه بقه


2- ممكن ابان غامضه شوية وناس كتير يقولولى انتى مش عارفينلك مود ولا انتى فرحانة من زعلانة هههههه بس انا ف البيت حاجه تانيه خالص غير كده لمابكون زعلانة بيبان واما ااكون فرحانة بيبان بردو الهبل والجنان بيشتغل يعنى

3- فى بقه سر حتى اهلى مش مكتشفينه فيا البرود وان اى حاجه ممكن متاثرش فيا رغم انى من جوايا اقل حاجه ممكن تاثر فيا واى مشكله ممكن تحصل افضل افكر فيها واشيل نفسى الذنب ودماغى توجعنى بقه
بس انا لمابتاثر باى حاجه او اى حاجه بتضايقنى  مش بحب ابينها لانى مش بحب ابان ضعيفه حتى قدام اقرب الناس ليا

اممممممم متهيالى مفيش اسرار تانى غير دول اللى عرفت اجمعهم

* حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.
احول التاج هو انا لسه بقالى فتره قليله فمعرفش ناس كتير او اللى اعرفهم اتبعتلهم التاج
بس هبعته ل
1- الزمن الجميل (ماما امولة )
2-روح طفله مش عايزة تكبر (lady E)

* اترك تعليقًا في مدونة من حّولت الواجب عليهم؛ ليعلموا عن هذا الواجب.

حادر من عنيا

2010/05/18

اشباح الماضى تطاردنى


 

 
 
أشباح الماضي تطاردني وداائما في بالي










كلما أقتربت مما أردت أبعدتني ورهبتني منه










أخاف أتقدم حتى لا أنجرح مثل جرح الماآضي حينما عجزت عن تحقيق ما جال في بالي


ظللت واقفه لا أفعل شيء سوى السكون الهاآدي










واقفه على أعتاب الماآضي






أتسائل ماذا أفعل أتقدم أم أرجع؟!










أخشي أواصل حتي لا أفشل وأخشي أرجع فيكون جهدي بلا طائل


والأشباح تطاردني ولا تغيب عن بالي










وفجأة جاء في خاطري صورة وذكري من الماآضي






وسمعت أصوات ترهبني وأخري تقويني










أصوات ترهبني كلا كلا أرجعي يكفيني جرح الماضي


والآخرى كلا واصلي فلم تجتهدي وتتعبي لتقفي هنا










لا تنظري خلفك واستعيني برب العباد وإن لم تصلي يكفيكي الاجتهاد






ظللت واقفه والأصوات تزداد ورأسي تألمني من شده الأصوات










متحيره خاآئفه ماذا أفعل فأنا بشر ولست بملاك .....


وفي ظل سكوني الهادي










أبتهلت إلي رب العباد أن يلهمني قوة ويحقق لي مرادي






قائله يا إلهي










أمددني بقوه أستعين بها على تحقيق ما جال في بالي ويسر لي أمري إن فيه مرضاتك






ثم أنطلقت مسرعه لأكمل ما بدأته تااركة خلفي أشباآح الماآضي
 

2010/05/16

ف لحظة توقفت


انتابتنى حالة من الخوف حالة من الغضب الشديد اراها ف عيونى


اراها داخلى اراها ف كلامى واسمعها بقوة ف داخلى


تبعدنى عن كل احلامى وتاخذنى الى عالم واسع اعتقد انه عالمى


وف لحظة توقفت عن التفكير وتوقفت عن الكلام


عندما رايت ماريته ......


كان شئ مخيف لم اراه من قبل كان بركان ملئ باشياء كثيرة


وعندها جاء صوت من بعيد


قال لى هذه حياتك هذه انتى


كنت تعيشى وتخربى فيها وتمحى كل مابقى فيها من جمال


وعندها توقفت ف لحظة وماتت احلامى عند هذا العالم الكبير الغامض


وماتبقى لى من هذا البركان ؟؟؟؟؟؟


وجدت اشلاء من ذكرياتى التى حفرتها بداخلى وجدتها رماد


وحينها جلست ابكى ع اما فعلته ف حياتى


جعلنى اتوقف وانظر وكل مابداخلى يحترق


هذه هى حياتى وهذه هى انا

2010/05/09

توقفت عن التاليف.........


اعذرونى واعذروا قلمى لقد امتنع عن الكتابه


امتنع ان يكتب مابداخلى كى انقله عبر احساسيى


امتنع ان يكتب كل مااشعر به


توقف........


وسالته ف استغراب لماذا توقفت؟؟؟


انه يشعر بالالم تجاه مااكتبه


جاوبت قلمى حياتى ليست مؤلمة


حياتى تمللئها مجرد احساس بالالم احساس بالغموض


وعندها اخذت افكر فيما مضى وافكر فيما حدث



وجدت انى سبب الالم فيما اكتبه


نعم قد جرحت مشاعرى بيدى



وجرحت قلبى حتى اصبح شعوره مؤلما


وملئت دفاترى باشعارى المؤلمة واحاسيسى الساكنة



وعندها عرفت ان قلمى هو من ادرى الناس بى وبحالى


ولكنى اطلب منه الكتابه مرة اخرى



اطلب منه ان يشاركنى كل مااشعر به


ولكن دون الم دون خوف


ولن اسمح لنفسى ان اؤذيها


ولكنى سوف اكتب كل ما يرضى قلمى ويرضيها


2010/05/07

ف قلـــــــــبى رجل



ف قلبى رجل غريب غامض اشعر ف قربه بالسرور

ف قلبى رجل يعجبنى باحاديثه وحتى سكونه الوقور

احببته حبا كثيرا ولكن لا استطيع ان ابوح لا استطيع

اريد ان اعيش ف حبه كالنجوم ف احضان السماء

اريد ان ارسم له بستان من عبير الورد والريحان

لا اعرف مايدفعنى لهذا لحب سوى انى اشعر به

اشعر بوجوده جانبى ف كل مكان

اشعر وكانه كل شئ اشعر وكانه اول حب

شئ غريب يبعدنى وف نفس الوقت يقربنى

شئ جميل يرهقنى وف نفس الوقت يسعدنى

لا اعرف مشاعره تجاهى وكل يوم يزداد اهتمامى

هو رجل غريب ولكنه غير كل الرجال

اريد ان اظل جانبه طول الزمان

ولا يفرقنى عنه انسان


2010/05/05

رساله الى امى


المرة دى مش هكتب شعر ولا حتى اغنية


هكتب رسالة لاغلى انسانة ف حياتى واللى تعبت عشانى كتير


حسيت انى عاوزة اقولها كلام من قلبى من غير شعر ولا تزويق


وكل ده عمره ماهيوفيها حقها


اغــلى ما فى حياتى انتى ياحياتى


وجودك هون عليا كتير قومتى بدور الاب والام وتعبتى معايا سنين


لو دمعه نزلت من عيونك قلبى ده مبيعرفش فين يصونك ويمسح دموعك


عارفه انتى ايه انتى احلى قلب ممكن احكى عليه


انتى جوهرة عيونى وروح قلبى ونينى عيونى


عارفه بحس انى عايزه اعوضلك تعب السنين اللى فاتت كلها


وابوس رجلك قدام الدنيا كلها


بشكرك ولو ان الشكر كلمه انتى مش قدها


لو عشت عمرى كله ياامى مش كفايه عشان اردلك اللى عملتيه معايا



نفسى بس ربنا يمدلى ف عمرى عشان اوفيكى ولو جزء صغير من تعبك معايا


قدام ربنا بوعدك انى عمرى ماهزعلك منى ولا هتعبك تانى وحققللك امنيتك فيا


بس ادعيلى عشان دعوتك بتهون كتير عليا


سامحينى ع كل حاجه عملتها وسببتلك بيها الم


سامحينى ع كل غلطة ارتكبتها وخدينى ف حضنك ضمينى انا ماليش غيرك ف حياتى كلها


اوعدك ان كل قرارتى اللى هاخدها هكون قدها


بدعيلك تحجى يامامتى واشوف حجه حلوة كده وصغننه


بحبـــــــــــــــــــــــــــــــــــــــــــــك يااحـــــــــــلى ام








2010/05/04

طفــــــله صغيرة ومن الصغر علموها 3 اشياء




طفلة صغيره ..ومن الصغر ..
علموهــا ثلاث عيوب
ف وش الغريب متضحكيش واعملى ومتساليش
واهمها اوعى لحد قلبك تفتحيه
ومر الزمن والطفلة كبرت والعيوب كبرت معاها
حفظتها بقلبها وفهمتها بعقلها
الا الاخير واه من الاخيره
حاولت تتجنبه بس معرفتش
واخيار قررت تنسى العيب الكبير
وتبعد عن الهم الكتير
ومرت الايام والوقت الطويل
جه قدامها طيف من بعيد
سكن ف قلبها وضحك ف وشها
حسيت بقلبها يرجف وعنيها بتدمع
وعدها انه منها قريب وعدها انه عن عينها ماهيغيب
مسكينة حبت ولا حسيت وعملت اكبر العيوب
راحت لامها تحكى راحت تشكى زى مااتعودت من صغرها
امها بكت وقالت بنتى تحب!!!!!
ابوها قال ابعدوا عنها الناس
خافوا تقولهم ع الاحساس
وبقت تسامر النجمه وتحسب للقدر حكمه
تفكر ف فارس الاحلام وتبنى عليه الامال
ماطولتش ف حلمها وجاها ابن عمها
وافق ابوها وافقت امها
قالوا مفيش الا ولد عمها يبعد العيب عنا وعنها
وهى كل ده بترسم احلامها لوحدها بس محدش خد رايها
بكت وقالت لا بس محدش سمع همها
صرخت والالم جوه سكنها ولا حد يفكر يشيل عنها
جه اليوم اللى بسموه الزفاف وكانه ليها يوم الممات
واجتمعوا الاحباب والاصحاب ومحدش عرف ايه اللى ف قلبها
قالوا الفرحه ........ والكل هتف
قالوا الزفة......... والكل وقف
بس للاسف هى رحلت خدت ذنبها وذنب اهلها
خدت عيبها الكبير وراحت
حتى الطيف البعيد سابته وماتت
ماتت لللاسف بسبب خوف اهلها
راحت وماتت احلامها معاها وف قلبها
موتت حلمها وحلم اهلها

حـــــروف ضائـــــعه









أنا لا أتقن فن الكتابة، و ليس لدي أي دراية بأساليب الإنشاء و نضم الشعر.
و لا أفهم في زخرفة الكلمات،أما علاقتي بها فهي تفوق حدود سطور أوراقي و حبر قلمي.
اشتاق لك ....لا..لا...بل اشتياقي يفوق حدود الشوق و الحنين .
أبحث عن وجهك في كل الوجوه ...لا..لا... بل لا أرى سواك .
أطارد طيفك تحت المطر، أمشط الأرصفة في أواخر الليل أبحث عنك وحيدة كالأصداف على الشواطئ.
يرافقني الحنين و أحلم بالمدينة الضائعة .
تزلزل وجداني عاصفة من الحرمان و الشوق و تحتوي كياني بأكمله.و ما بين الشوق و الحنين تختلط المشاعر و تذوب الأشياء.
فأبحر بين الكلمات، أبحث عن مرفأ لترس سفينتي
الكلمات لدي لا معنى لها،أكتب و أكتب و لكنها تبقى بلهاء،فأنهال عليها و أبعثرها.
تخاصمني الحروف و تتوه سطوري في الألم.
أرسمك بين كتاباتي و أشعاري.
فينازعني الحنين و أتوه في الحلم.
فأراك تراقصني فوق الغيوم و تأخذني بين ذراعيك فيتوقف الزمن و تنعدم الأماكن .فلا يبقى سوى شعوري أنني بين ذراعيك.
و يسقط القلم،و أصحو من حلمي.
لا شيء غير أوراقي المبعثرة و وحشة الغرفة.
تجتاح أعماقي عاصفة من الألم ،فتعصر بقلبي و كياني.فأكاد أصرخ من شدة الألم.
أين أنت ؟
افتقدك كثيرا
و ستبقى الكلمات و الحروف بدون عناوين.
و مهما طال سيري سأبحث عنك عند كل غروب و عند كل شروق.
سأبحث عنك عند وحشة الليالي و عندما تقفل الأبواب عند الشتاء و يحاصر الثلج جميع الطرقات.
سأنشر عطري بين الجبال و الوديان لتحمله النسمات إليك، و أكتب عند جدوع الأشجار رسائلي إليك.و عند الفجر سأسافر مع الليل في رحلة بحث عنك.

2010/05/02











اين انت من انت متى تاتى ؟؟؟؟


بحثت عنك كثيرا ف احلامى


اين انت يا كيانى اين وجودك ف حياتى


هل انت قريب ام بعيد؟؟؟؟


لحظه توقف بينى وبينك ام سنين وسنين


لا اعرف كيف استقبل وجودك ف حياتى


لا اعرف مابداخلى تجاهك


كنت هنا وهنا ابحث عنك لكن الان توقفت


اشعر بشئ يخوفنى تجاهك اشعر بشئ من الالم والعذاب


لا اريد ان اراك لا اريد ان اعرفك اريدك صورة ف خيالى


وليس ف عالمى


طريق الخوف يقربنى منك وجسر الامان ف احلامى يربطنى بك


اريدك مجرد فارس ف احلامى اريدك مجرد شئ جميل ف خيالى


لا اريد ان اعيش معك ف عالمى عالمى الحزين الغامض


ع الرغم من احتياجى لك ولكنى اتجنب القرب منك


انت فارسى وفارس احلامى ولكن لا اريدك تكون سبب احزانى


2010/04/30

ربـــــــــــــك لما يريد

ربـــــــك لما يريد احلامنا هتتحق

وكلامنا هيتصدق والغايب هيعود

ربك لما يريد قلبى العاصى يسلم

وعيونا هتتكلم ولا شئ يبقى بعيد

يـــــــــــــــــــــــــــــــــــــــارب


يــــــــــارب انا محتجالك محتاجه وقوفك جمبى يــــــــارب
حســــه ان الدنيا دى غــــابه بس انت مخلقتهاش كده يـــــــارب
مخلقتناش نكره بعض ونتمنى الشر لبعض
يــــارب انا مش رافضه وجودى ف دنيتـــك
بس الدنيــــا قسيــــــــ ت اوى عليا ونفسى اسكن جنتـــــك
يــــــــــارب انا عايزة اتوب عايزة امحى كل الذنـــــــوب
يـــــــارب انا عارفه انك غفــــــــور
يــــــــــــــارب اهدينى وابعدنى عن كل ملذات الدنيا
واغــــفرلى وسامحنى
واغفر لكل المسلميينن امين يــــــــــــارب