2010/07/15

مطار الحب وطريق العشاق الرحلة رقم 2

على مسافرين الرحلة رقم 2
ربط الاحزمة قبل التوجه الى
مطــــــــار
(( الصـــــــداقـــــــــه ))








بالنسبه لى الصداقه بعتبرها اسمى المشاعر واصدقها

الصداقه ممكن نلاقيها ف اماكن كتير اوى وباشكال مختلفه

بص ودور هتلاقيها هنا








 بحس ان الاب هنا ف الصورة بياخد ايد بنته

وبيوريها العالم وبيعرفها تعيش ازاى صح

جميل انك تكون قريب من ابنك او بنتك وتحتوى مشاعره من صغره

                                                  




من صغرنا بيبقى لينا صديق قريب مننا ف المدرسة

تقريبا اكتر حد بترتاحله لما بتتكلم معاه

بتفضلوا عمركوا او مدة طويلة اصحاب

بتحسه زى اخوك او اختك بتحس انك بتميزة اكتر من اى حد من زمايلاك ف الفصل

بس احيانا الظروف ومشاغل الحياة بتبعدكوا عن بعض

بس انا ف راى كل واحد ف ايده اذا كانت العلاقه تستمر او لا وبالشكل اللى هو عايزه

يعنى ممكن تستمر  عشان مشاغل الحياه ف مش هتبقى زى الاول

                                           






طول ماحنا ماشيين بنقابل وبنعرف ناس وف الجامعه او ف مكان عمل

بنكون جروبات

وبنقضى مع بعض احلى الاوقات سوا واحلى الذكريات

بس ف الغالب لما بنتفرق او بتخلص الجامعه

العلاقه بتبقى رسمية اوى او بتقل خالص




                                       






ف حياتنا بنقابل شخص وبنعتبرة هو لينا كل حاجه

الاخ والصديق والحبيب وحاجات كتير

بنلجاله لما يكون عندنا مشكله بس هنا الصداقه بتبقى ف حدود

لانه يعتبر  بيشاركك حياتك

ف حاجات ممكن تحكيها لحد قريب منك

صديقك المقرب او اخواتك او اى حد بس مش هتقدر تحكيها ليه هو


                                   
                         






                                    


ف صداقات بتبقى للمصلحه بس

ودى عمرها مابتدوم وكل واحد بيفكر ف مصلحته والسلام

ومتزعلش لو ده حصل لانك هتقابل اصحاب احسن منهم

وهتقدر تكون اصدقاء تانى



ف النهاية اقدر اقول ان وجود الاصدقاء ف حياة اى حد مهم جدا

لان بجد بيهونوا ع الواحد حاجات كتير اوى

وكفاية الذكريات الجميلة اللى محدش يقدر ينساها

مع اصحابة او مع اقرب الناس ليه

وبتمنى بجد ان اى حد ليه اصدقاء يحافظ عليهم

وبلاش يستسهلوا بالموبايل او النت

ع الاقل لو كل واحد فيكوا اتخرج من الجامعه وبعد عن اصحابه

او بينهم يادوب وسيله اتصال

ع الاقل يعملوا حتى يوم ف الاسبوع يتقابلوا فيه

او كل اسبوعين يمكن الواحد بيرتاح لما بيشوف ناس

قضى معاهم اوقات جميلة اوى يرتاحلهم

ومش كل يوم هتلاقى حد ترتاحله


يـــارب الرحلة تكون عجبتكوا ومتكونوش زهقتوا

مـــــــــــــــع تحــــــيــــــ Malooka ــــــــــــاتـــــــى


                                               
                                         
                                               
                                                            
                                               

هناك 9 تعليقات:

أتنين حبيبين يقول...

وحشتينى وحشتينى ياقلبى يارب تكونى بخير ويطمنى عليكى حبيبتىى

أتنين حبيبين يقول...

هيييييييييييييييه
وطلعت أول تعليق الله اكبرررررررررر

كان نفسى فى ده من زمان

أتنين حبيبين يقول...

الله عليكى وعلى رحلتك الجميله رحلة الصداقه
الصداقه دى شىء نادر محدش يعرف قيمتها غير بس اللى مجربها
والصداقه حبيبتى انواع
ممكن تتعرفى على حد فى طريق وزى احنا كده اصدقاء على المدونه بنتلاقى بالحب فى الله
وما احلاه
ربنا يسعدك
وياريت الناس كلها تقدر المعنى ده الصداقه وتعى كويس يعنى ايه صديق وقت الضيق احسن من الاخ بكتيررررررررررررر

موضوع جميل
ورحله شيقه
بتمنالك السعاده من كل قلبى
اموووووووووووووووواه
توتا

احمد يقول...

اصحاب المصالح فعلا كتيييييير جدا
وزا ما ياما الواحد بيقابل اصحاب مصالح
بيقابل دايما اصدقاء اوفياء بجد
وساعات
بوست جميل جدا
تسلم ايدك
متابع :)

Ramy يقول...

maloooka

موضوع هايل

كلامك فى الصميم

كلام جميل و كلام معقول مقدرش اقول حاجة عنه (:

هقول بس مقولة عجبتنى من كتاب بقراه دلوقتى اسمه كلمات من عمق الحياة

لا تسير أمامى
قد لا أتبعك
لا تسير خلفى
قد لا أقودك
فقط سر بجانبى
وكن صديقى
*************

الصديق هو هدية تعطيها لنفسك

دمتى متألقة (:

Malooka Yousef يقول...

توتى حبيبتى وحشتينى خالص ياكميلة انتىى ومبسوطة موت انك اول تعليق هيصى ياستى هههه فعلا مفيش احلى من الصداقه وربنا يدومها علينا يارب
نورتينى يابسبوستى خالص

Malooka Yousef يقول...

mado
نورتنى ميرسى ليك وفعلا عندك حق

Malooka Yousef يقول...

ramy

كلام جميل اللى انت قولته نورتنى ميرسى ليك

غير معرف يقول...

بالفعل الصداقه لا تقدر بثمن ,,
لكن اصعب شئ هو الحفاظ عليها ,,

ننتظر الرحلة القادمه ,,
دمتي بخير ^^