2010/06/24

مطــــــــار الحـــــب وطريق العشاق الرحلة رقم 1

على مسافرين الرحلة رقم 1 ربط الاحزمة قبل التوجه الى مطــــــار


                                                                      ( الاذى ف الحب )

قبل ماابدا واتكلم ف اى حاجه انا كنت مرتبة لرحلة تانيه خالص غير دى

بس اللى شوفته هو اللى خلانى اتكلم وابدا وتكون دى اول رحلة

امبارح اتفرجت ع برنامج صبايا البرنامج ده يمكن اوقات بحس انه مفيد واوقات بحس انهم بينصبوا ع الناس

ولحد الان مش عارفه احدد اذا كان مفيد ولا ايه

المهم ادخل ف الموضوع عشان مطولش عليكوا

انا بس عايزة اجابة لسؤال واحد

ازاى تكون بتحب حد وتفكر تأذيه ؟؟؟؟؟؟؟؟

ازاى تأذى حد من لحمك ودمك ازااااااى ؟؟؟

شوفت حالة لبنت عمرها 28 سنة وكانت متزوجه وعندها طفل عمره 7 سنين

البنت اتخطبت لواحد شكله ابن ناس وبيشتغل وقالها انه بيشتغل ف رئاسة الجمهورية

اهلها كانوا عايزين يستروها وخلاص واتخطبتله لما عرفت حقيقه شغله وانه مش شغال اصلا

قالتله خلاص ياابن الناس كل واحد ف طريق وزى ماخرجنا بالمعروف نخرج بالمعروف

ليه وليه بقه تقوله كده وليه وليه تفسخ الحطوبة

لا طبعا تعالى يابنت الناس تانى يوم رايحه الشغل مشى وراها

ندهلها ودلق مية نار ف وشها فقدت عنيها واتشوهت كلها بعد ماكانت عايشه وبتصرف ع اهلها ووالدها المريض

انا حكيت كل ده مش عشان البنت ولا انى اول مرة اسمعها لا انا حسة انها بقت موضه دلوقتى

اى حد مضايق من حد ينتقم منه انه يشوهه ويفضل طول عمره كده

طب يمكن البنت وقعت ف ولاد حلال وهيساعدوها

طب بقه نفرض ان البنت دى موقعتش ف الناس دول كانت تعيش عمرها كله بحصرتها وحصرة ابنها عليها

انا عايزة اعرف ليه بنعمل كده ف بعض لو حد اذيك قوله الله يسامحك ولو ليك حق ربنا هيجبهولك

ليه منخليش الدنيا بسيطة وسهله ونسامح ونسيب الناس تعيش مرتاحه البال

على كده بقه كل واحد يمشى معاه حراسة عشان مينزلش من بيته زى الفل وماشى ع رجله

ويرجع مشوه والناس شايلينه طبعا كله قدر بس مش بالشكل ده مش ناذى بعض كده

انا بس اللى عايزة اقوله ف اخر الرحلة دى  انى نفسى بجد الناس متعملش كده

لو ليك حق سيبه وربنا هياخدهولك لكن مش تاخد حقك كده وبالقوة

وف الاخر بقول الحمد لله على كل نعمة ربنا ادهالنا

اتمنى انها تكون رحلة سعيده هى كئيبه شوية بس كان لازم نعدى عليها

وان شالله تستمتعوا معايا ف الرحله القادمة

مع تحيـــــــــــــــــــــــMalooka ـــــــــــــــــــاتى

هناك 18 تعليقًا:

Ramy يقول...

malooka

صعب جدا البوست

و مين قال لك ان الشخص دة بيحبها

دة شخص معقد و كداب و فى الأخر طلع مجرم سافل

دة انسان انانى

المشكلة ان الناس دلوقت مبقتش تتقبل ان حد يقولها لأ

كأن لأ دى مش فى القاموس او كلمة وحشة


كأن دى أهدار للكرامة

مش قادرين نتعايش بحب حتى لو مختلفين

حتى لو فية سوء تفاهم حصل مبقاش يعدى بالساهل كدة

التسامح بقى حاجة نادرة جدا

ربنا يحفظنا ويبعد عننا الناس دى و يخلينا دايما متسامحين

بوست صعب بس حقيقى

البوست اللى جى خفى علينا الله يخليكى (:

يلا سلام وربنا يوفقك

Malooka Yousef يقول...

صح ياريت كلنا نعيش كده والناس بس لو تقرب من ربنا شوية مش هيحصل كل ده بينا ربنا يهدى الجميع وحاضر ان شاء الله الرحلة الجاية هتبقى خفيفه كده عشا متتعقدوش نورتنى يارامى

Malooka Yousef يقول...
أزال المؤلف هذا التعليق.
داليـ ـ ـ ـ ـ ـ ــــا يقول...

ملوكه

هى دى بقت دنيتنا
كل واحد فيها عايز ياخد حقه باإيده

ايه المشكله انها تقله كل واحد من طريق

الدنيا وقفت عنده

مش عارفه اقلك ايه
غير ان ربنا يطلعنا منها ع خير يارب

تحياتى

Qatarat_Nada يقول...

دة انسان مريض نفسيا والله
اول زيارة ليا في مدونتك وكدة اتردت الزيارة
مدونتك عجبتني جدا ورحلاتك ممتعة واهه بتعرفيني على الناس اكتر واكتر
نورتي مدونتى ومتابعاكي ان شاء الله

Qatarat_Nada يقول...
أزال المؤلف هذا التعليق.
Malooka Yousef يقول...

داليا فعلا وربنا يهدى الجميع اللهم امين نورتينى

Malooka Yousef يقول...

قطرات الندى نورتينى ويارب تتمتعى اكتر واكتر بالرحلات نورتينى ياقمر

ليله شتاء يقول...

السلام عليكم

فعلا عند ك حق لا حول ولا قوة الا بالله

لازم دلوقتى كل واحد يمشي بحراصة علشان اللى قلبه مرض ميضرناش بمرضه حسبنا الله ونعم الوكيل

Malooka Yousef يقول...

ليله شتاء ربنا يهدى الجميع يارب تسلمى نورتينى

أتنين حبيبين يقول...

السلام عليكم ازيك ياقمر
مدونه رقيقه وجميله زى صاحبتها
ربنا يوفقك يارب ويسعدك

جميله قوى الرحله رغم ما تحمله من كائبه والالم وحزن
اكيد الخير جى

تسلمى ياقمر

انا ضيفت مدونتك عندى وياريت تنورينى
توتا

Malooka Yousef يقول...

نورتينى ياقمر وباذن الله اكيد هتابعك ميرسى ليكى

Malooka Yousef يقول...

نورتينى ياقمر وباذن الله اكيد هتابعك ميرسى ليكى

ساسو يقول...

ملوكه
الدنيا بقت كده
الحب والحنان ضاع منها
كل واحد بيفكر في نفسه وبس
ازاي يكون سعيد وفرحان
حتي لو كانت سعادته دي علي حساب تعاسه شخص عزيز عليه
بجد أنا نفسي الناس كلها تحب عضها
ويخافوا علي بعضيهم
فيها ايه لو عملنا كده
والله هنعيش في أمان
وهنعيش أجمل حياه
بعيده عن المشاكل وتعب القلب

بحييكي جدا علي اختيارك للموضوع

sun of free dom يقول...

تدوينة روعة
دمتى بخير

رحــــيـل يقول...

الناس بقت قلوبها قاسية قوى على بعض الواحد بيسمع عن حوادث توجع القلب فعلا

برنامج صبايا ياريت فعلا يكون بيساعد الناس دى
بس للاسف فى غيرهم كتير منعرفش عنهم حاجة الدنيا مليانة بلاااوى يا ملوكة :((

Malooka Yousef يقول...

sun نورتينى ياقمر

رحيل فعلا والله ربنا يهدى الجميع امين يارب نورتينى ياقمرايه

أسيرة اللوحة يقول...

مستحيل يكون حب هذه انانيه منه ,,
الحب تضحيه توصل لحد التضحية بالحب ذاته لاجل سعاده الحبيب ,,

( لو ليك حق سيبه وربنا هياخدهولك لكن مش تاخد حقك كده وبالقوة )

و نعم بالله افضل ماقلتي ,,

دمتي على رحلتك ^^