2011/03/07

مصر بتتغير واحنا كمان

                                                         بسم الله الرحمن الرحيم

اول حاجه وحشتونى بجد وشكرا لكل اللى سالوا عنى واسفة على غيابى وان شاء الله ارجع اكتب تانى

تانى حاجه ربنا يرحم كل الشهداء ف احداث الثورة وربنا يصبر اهلهم يارب

تالت حاجه بقه انا مش هحكى فى اللى حصل بس ف الفترة دى فى جمله كل الناس بتقولها ( مصر بتتغير واحنا كمان ) هو فعلا مصر بتتغير ؟ هو فعلا بجد الناس بتتغير ؟ يعنى بيقولوا ان الناس بتتغير ومصر بتتغير
بس يعنى ايه اللى اتغير مهو كل اللى جواه حاجه مهى هتفضل جواه معقول هيتغيروا عشان بلدهم
يعنى كل اللى كان بيعمل عاده سيئة هيبطل يعملها ؟
حقيقى مش عارفة او مش حسة هى اه البلد بتتغير واحده واحده سياسيا وكنظام
بس اللى عاوزة اعرفه بقى واللى محيرنى اوى نفوس الناس بجد هتتغير ولا ايه ؟؟

رابع حاجه بقه انا بدعى من قلبى بجد اننا نكون افضل وافضل اكيد هناخد وقت بس المهم نكون احسن وفى مكانه احسن وبتمنى بجد ان كل الناس تتغير لان فى حاجات كتير اوى جوانا لازم تتغير لو اتغيرت يبقى بجد مصر هتتغير
  

هناك تعليق واحد:

موجة يقول...

بووووست رائع
وفعلاً مصر تتقدم وتتغير ونحن أيضاً يجب ان نتغير ونواكب المرحلىة القادمة ونعمل دون راحة لنعوض مافاتنا في العصر الاغبر عصر مبارك..
سرتني زيارتك وتعليقك على قصيدتي المتواضعة..
خالص تحياتي
احمد