2011/04/19

انا مسلم ........ ولكــــــن

بسم الله الرحمن الرحيم

كتير اوى لما بنتسال انت مسلم بنقول الحمد لله

بس السؤال الاهم بقى احنا مسلمين اه ( بالاسم ) بس ياترى معظمنا يعرف كل حاجه عن الاسلام
نعرف ايه اللى مفروض كله واللى مش مفروض
ايه الغلط من اللى مش غلط
ده احنا ممكن بتغلط وبنبقى عارفين انه غلط وبنعمله بردو
بس للاسف احنا بنبرر لنفسنا بنقول ( محدش معصوم من الغلط ، احنا بشر ولازم نغلط وهكذا )
بس احنا طول مابنبرر لنفسنا هنفضل نغلط برغم اننا عارفين انه غلط
سالت نفسى قولت طب ليه انا بغلط وبعمل كده وانا عارفة انه غلط

كل واحد فينا يمكن معلوماته مش اوى
انا مقدرش احكم على كله طبعا بس مثلا ف نطاق المجتمع اللى حواليا اللى هو ( الجامعه)
نادرا لمااحس ان فى حد عارف كل حاجه
يعنى اللى دماغه ف الاغانى
واللى دماغها ف اللبس وانه تبقى شيك واللى دماغها ف المذاكرة
يعنى الفترة دى انا مركزة اوى عشان عاوزة اعرف كل حاجه ف بحاول استغل اى مصدر ادامى
سواء ف النت او كتب
امممممم زعلت اوى انى معرفش كل حاجه عن دينى لحد دلوقتى
وزعلت ان ملقتش حد حواليا يشجعنى انى اعرف
بس قولت بقى ليه انا مجتهدتش من نفسى واعرف مدام انا عندى القدرة دى
وليه لو عرفت او اى حاجة احاول اخلى اللى حواليا يستفيد
وليه اى حد ميعملش كده
لو كل واحد فينا عمل كده ممكن نبقى احسن بكتير
فى اجه غريبة بردو بلاحظها ان لماحد يفكر ف كده فى ناس كده يقعدوا يقولولك انت خلاص الايمان نزل عليك
بجد بتضايق اوى من الجمله دى وبسمعها كتير
ف النهاية انا عاوزة اقول انى مش ملاك ولا حد فينا ملاك
وانى ندمانه انى ضيعت كل الوقت ده فى جهلى وعدم معرفتى بالحاجه اللى بتحمينى

بس اتمنى ان ربنا يهدينا كلنا

هناك 5 تعليقات:

rack-yourminds يقول...

موضوعك الجميل يحتاج الي التعليق عليه بكلمات كثيره ,لكن حالتي النفسيه مش قوي....عشان كده مش هقدر اقلك غير :بارك الله فيكي واكثر من امثالك

نيللي علي يقول...

اولا احيكى احيكى على كلامك ونا اول واحده هشجعك عرفه انا بدات اخصص كل يوم جمعه اسمع حاجه فى دينى وانا بحب اسمع عمرو خالد جدا وبحب اقرب من ربنا وارضى ولسه اقربها ماكنتش اعرف يعنى ايه اتقى الله لسه قريه عن التقوى لو تحبى نشجع بعض انا تحت امرك

faroukfahmy يقول...

انا بفرح قوى لما الاقى حد من بناتنا يهتم بأمور الدين ولا ينشغل عنها بامور الدنيا
ادام الله عليك نعمة الايمان والتقوى ويكثر من امثالك فى هذا الوقت الغريب على اعيننا وعقولنا
لمسة تقوى تزيح كل ماهو غريب وتقربنا بكل ما ننتظره فى القريب

الاحلام يقول...

كلامك جميل وعندك حق فعلا فى هذا فالمفروض اننا نعرف عن دينا الى يعينا على دخول الجنه طالما احنا ناويين فى النهايه اننا ندخل الجنه وبعدين الى تتعلميه لابد انك تعلمة من حولك بيه لان خيركم من تعلم الدين وعلمه ليس من تعلم فقط ولكن وعلمه دمتى بكل خير وسعاده فخور جدا انى دخلت هنا اتمنى ان تقبلى مرورى وتقبلى تحياتى الاحــــــــــــلام

Malooka Yousef يقول...

rack-yourminds : ان شاء الله يكون خير وشكرا لزيارتك
نيللى : حلو اوى نك تشجعى نفسك واكيد كلنا لازم نشجع بعغض وانا بصراحة بحب عمرو خالد بس اللى بسمعه الفترة دى ومركزة معاه اوى مصطفى حسنى وربنا يكرمك ياحبيبتى يارب وميرسى لزيارتك الجميلة دى
faroufahmy : ربنا يخليك يارب وشكرا لزيارتك
الاحلام : ميرسى ليك كتير واكيد ان شاء الله شكرا لزيارتك