2011/05/11

هتـــــــــعدى

بسم الله الرحمن الرحيم

الفترة دى فترة صعبة طبعا كالمعتاد فترة المذاكرة الرخمة اللى مش بحبها ف اكتر توقيت غريب ف السنة اللى هو الصيف :)
والضغط كبير اوى بس ربنا يعديها على خير
عموما كله بيعدى حلو وحش صعب سهل كله بيعدى

بصراحة انا كنت علطول بقول محتاجة حد جنبى يقوينى ويبقى معايا وكده بس الحمد لله كفاية ان ربنا معايا
بس دلوقتى انا حسة انى هقدر اقف وهقدر اكمل متهيالى انى مش هتحايل على حد تانى عشان يبقى جنبى
اممممم اوقات لما بقعد مع نفسى كده بقول يااااه معقول كل ده حصل
انا مش عاوزة ابقى حاجة مهمشة فى حياة حد عشان انا مش قليلة اوى كده
عاوزة اقول كمان لصحبتى واختى برغم ان كلامك كان قاسى اوى عليا بس فوقتينى
بجد بشكرك اوى لولاكى كان زمانى فضلت كده مستسلمة للامر الواقع

متهيالى مفيش حاجة تانية
اشوف وشكوا بخير لحد بقى مااخلص امتحانات لان عندى امتحانات الاسبوع الجاى
والضغط جامد بسبب ضيق الوقت ربنا يسترها وتعدى على خير



هناك 4 تعليقات:

ساسو يقول...

ربنا يوفقك يا امورتي
وانا كمان والله عندي امتحانات
وحالتي صعبه اوي
لاني عملت حادثه من اسبوع ورجلي اتجبست وهقعد في الجبس شهر كامل
ومش بروح الكليه ولا اي حاجه
ومش عارفه هعمل ايه في الامتحانات
يلا ربنا معاكي ومعايا
ويقوينا وينجحنا

Ramy يقول...

ربنا يوفقك فى أمتحاناتك

و حياتك

غير معرف يقول...

مساء الغاردينيا
ربنا يوفقك ويكون معاكي
وليكي صاحبه هنا اسمها ريماس
اوعي تنسيني :)
؛؛
؛
لروحك عبق الغاردينيا
كانت هنا
reemaas

faroukfahmy يقول...

مالوكا
ربنا يوفقك، وكله هيعدى ان شاء الله ، ولا نشغلك بتعليقاتنا الطويلة فلك الدعاء وعند الله الاجابة( فاروق فهمى )