طفلة صغيره ..ومن الصغر ..
علموهــا ثلاث عيوب
ف وش الغريب متضحكيش واعملى ومتساليش
واهمها اوعى لحد قلبك تفتحيه
ومر الزمن والطفلة كبرت والعيوب كبرت معاها
حفظتها بقلبها وفهمتها بعقلها
الا الاخير واه من الاخيره
حاولت تتجنبه بس معرفتش
واخيار قررت تنسى العيب الكبير
وتبعد عن الهم الكتير
ومرت الايام والوقت الطويل
جه قدامها طيف من بعيد
سكن ف قلبها وضحك ف وشها
حسيت بقلبها يرجف وعنيها بتدمع
وعدها انه منها قريب وعدها انه عن عينها ماهيغيب
مسكينة حبت ولا حسيت وعملت اكبر العيوب
راحت لامها تحكى راحت تشكى زى مااتعودت من صغرها
امها بكت وقالت بنتى تحب!!!!!
ابوها قال ابعدوا عنها الناس
خافوا تقولهم ع الاحساس
وبقت تسامر النجمه وتحسب للقدر حكمه
تفكر ف فارس الاحلام وتبنى عليه الامال
ماطولتش ف حلمها وجاها ابن عمها
وافق ابوها وافقت امها
قالوا مفيش الا ولد عمها يبعد العيب عنا وعنها
وهى كل ده بترسم احلامها لوحدها بس محدش خد رايها
بكت وقالت لا بس محدش سمع همها
صرخت والالم جوه سكنها ولا حد يفكر يشيل عنها
جه اليوم اللى بسموه الزفاف وكانه ليها يوم الممات
واجتمعوا الاحباب والاصحاب ومحدش عرف ايه اللى ف قلبها
قالوا الفرحه ........ والكل هتف
قالوا الزفة......... والكل وقف
بس للاسف هى رحلت خدت ذنبها وذنب اهلها
خدت عيبها الكبير وراحت
حتى الطيف البعيد سابته وماتت
ماتت لللاسف بسبب خوف اهلها
راحت وماتت احلامها معاها وف قلبها
موتت حلمها وحلم اهلها
هناك 4 تعليقات:
يعنى ينفع كدا .... فى البوست الى قبلة اخدتينى لدنيا جميله من الرومانسية .... بس مهنتنيش عليها .... ربنا ميحكمش على حد بكسرة القلب ولا وجع المشاعر .... انا طول عمرى بقول ان اى الم فى الدنيا ممكن ناخدلة مسكن و بنكون عرفين علاجة و هنخف منة بعد اد اية ... الا وجع القلب دة الوجع الوحيد الى بنحس بكل لحضة فية و الى بيفضل تاثيرة مدة طويلة اوى .... ربنا ميحكمش على حد ... و يكون فى عون الى قلبة مجروح ....
ملوكة انتى هتعقدينى فى حياتنا ولاايه
ايه الجمال دا يا باشا
لا الله ينور المعنى حلو اوى وجامد
عجبنى اوى الفكرة ان لليها دلالات جميلة عن معنى الحب الصامت والاختيارات من الاهل والضياع اللى بيحصل لما نتنازل عن اللى بنحبه بجد
اشكرك على الموضوع الجامد فى الكلمات البسيطة دى
ربنا يحكم ع حد بالجرح يا 2otety معلش بقه ياقمر هبقى احطلك حاجات رومانسيه مدام ملكيش ف النكد ههههههه وربنا مايحكم ع حد امين يارب انا بجد بشكرك اوى ع متابعتك ليا بجد ربنا يكرمك يارب
ههههههههه ياابو حميد المهم انه عجبك والله بترفع معنوياتى انت ربنا يخليك يارب
إرسال تعليق