المرة دى مش هكتب شعر ولا حتى اغنية
هكتب رسالة لاغلى انسانة ف حياتى واللى تعبت عشانى كتير
حسيت انى عاوزة اقولها كلام من قلبى من غير شعر ولا تزويق
وكل ده عمره ماهيوفيها حقها
اغــلى ما فى حياتى انتى ياحياتى
وجودك هون عليا كتير قومتى بدور الاب والام وتعبتى معايا سنين
لو دمعه نزلت من عيونك قلبى ده مبيعرفش فين يصونك ويمسح دموعك
عارفه انتى ايه انتى احلى قلب ممكن احكى عليه
انتى جوهرة عيونى وروح قلبى ونينى عيونى
عارفه بحس انى عايزه اعوضلك تعب السنين اللى فاتت كلها
وابوس رجلك قدام الدنيا كلها
بشكرك ولو ان الشكر كلمه انتى مش قدها
لو عشت عمرى كله ياامى مش كفايه عشان اردلك اللى عملتيه معايا
نفسى بس ربنا يمدلى ف عمرى عشان اوفيكى ولو جزء صغير من تعبك معايا
قدام ربنا بوعدك انى عمرى ماهزعلك منى ولا هتعبك تانى وحققللك امنيتك فيا
بس ادعيلى عشان دعوتك بتهون كتير عليا
سامحينى ع كل حاجه عملتها وسببتلك بيها الم
سامحينى ع كل غلطة ارتكبتها وخدينى ف حضنك ضمينى انا ماليش غيرك ف حياتى كلها
اوعدك ان كل قرارتى اللى هاخدها هكون قدها
بدعيلك تحجى يامامتى واشوف حجه حلوة كده وصغننه
بحبـــــــــــــــــــــــــــــــــــــــــــــك يااحـــــــــــلى ام
هناك 4 تعليقات:
ربنا يخليهالك يا ملوكا ..... و يتمم عليكى رضاها ..... و يجعل دعواتها من نصيبك ان شاء الله ..... الام دى احلى حاجة فى حياتنا و الله بس الى يفعم بقى
اوبااااااا
هى شافت الكلام دا يا ملوكة .. ؟؟
خليها تشوفها بقى ويا سيدى ربنا يخليهالك يارب ويباركلك فيها مامتك دى عسل خالص
ست عشرة على عشرة
ربنا ما يحرمكيش منها ولا يحرمها منك ولو انك رخمة بس يلا بقى ربنا يصبرها عليكى
امين يارب يا 2otety ربنا يخليكى ياقمر
اه شافته طبعا يااحمد عيب عليك وبعدين انا رخمه مااشى مااشى ده انا عسل اهو ميرسى ليك ياباشا نورت
إرسال تعليق