2010/06/17

مطار الحب وطريق العشاق




مين ف حياتنا محبش قبل كده وحب وفشل او حب ونجح


لو حبيبك جرحك تاكد انه لو حبك بجد هيرجعلك


ولو محبكش عمرة ماهيفكر ف لحظة يندهلك


لو حبيبك قسى انساه واعرف ان الحنان عمره ماهيفهمه


وبطل ف يوم تعلمه عشان اللى قسى صعب ف يوم تغيره



الحب اجمل احساس ف الدنيا ويمكن يكون اصدق مشاعر نعيشها


وطول مااحنا عايشين هنحب وطول ماجوانا قلب بيدق هيفضل علطول محتاج الحب


وتاكد ان الحب الحقيقى انت لسه معشتهوش واعرف ان الحياه الحلوة انت لسه معشتهاش


وان اللى جاى اجمل ف حياتنا مدام لينا رب عمره ماهيتمنى لعباده الشر ابدا


وبكدا اديتكوا فكرة عن الرحلة معايا هتطول بس المشوار هيبقى الذ واحلى


الرجاء ع مسافرين الرحلة رقمم 1 ربط الاحزمة واخذ نفس عميق


قبل التوجــــه الى مطـــــار.................. المرة الجاية هقولكوا


مــــــــــــــع تحيـــــــmalookaــــــــاتــــــــى

هناك 18 تعليقًا:

ساسو يقول...

بجد انت قمرايه وعسوله أوي
وبجد مدونتك جميله جدا
وكل كلمه كتبتيها بجد حقيقيه
بس في ساعات الحبيب بيقسي جامد
أه هو بيرجع وكل حاجه بس بالبطئ
بس بجد قسوه وبعاد الحبيب دا أصعب احساس في الدنيا

دمتي بكل خير يا حبيبتي الجميله

داليـ ـ ـ ـ ـ ـ ــــا يقول...

كلام جميل
وصح لسانك

وانا منتظره الرحله
خدينى معاكى

تحياتى ياملوكه

موجة يقول...

بوست رائع
تسرني زيارتك
موجة

Malooka Yousef يقول...

ساسو ميرسى ليكى ياقمر ونورتينى

Malooka Yousef يقول...

داليا خلاص ياستى خاخدك معايا بس هاتى اكل معاكى عشان الخدمه مش حلوة فوق هههههههه نورتينى ياقمر تسلمى

Malooka Yousef يقول...
أزال المؤلف هذا التعليق.
Malooka Yousef يقول...

موجه نورتنى تسلم

اسماء واحلام فى وجدانى يقول...

انا عارف نفسى دايما باجىء متاخر ، انا وقفت عند بوست حالة شوية وعايز اقولك بما انك دخلتى عالم التدوين يبقى صعبة اوى تنسيه لانه منفذك الوحيد اللى بيخرج اللى جواكى بتتكلمى فيه براحتك وبدون اى تكليف نهائى وبعدك عنها لاى سبب كان للاسف بيزود تعبك مش تفتكرى ان البعد هيريح والحياه مهما كانت صعبة فهى مش بتقف لاى موقف دى ماشية واللى هيقف هتدوس عليه او تسيبه فى ماضيه وتكمل طريقها ، اما الندم فهو صعب واحساسه اصعب لكن لو فهمنا معناه صح هنلاقى انه قوة دفع بس كلها شوك لو اتحملنا ولمسنا الشوك ده هنلاقى نفسنا قدام وفوق دايما اما العكس هيخلينا ورا دايما وبنفكر فى اللى راح ، فقدانك للثقة لكل اللى حواليكى ده امر وارد مع اى حد وفى ناس الطبع ده فيها طبيعة جواهم بس المهم انك مش تخلطى بين الناس بدل ما تخسرى تانى ، القرار اللى مش هيريحك دلوقتى اكيد هتحسى بطعمه بعد فترة لان كل شىء فى اوله بيكون صعب ، وفى النهاية انتى مش نكدتى علينا لان النكد عامل زى الهوا موجود فى كل مكان الاهم من كل ده انك خرجتى كل اللى جواكى ويارب تكونى دلوقتى بقيتى احسن ،

اما عن مطار الحب
الاسم لوحده بوست حتى لو مش كتبتى فيه اى كلمة ، مطار يعنى نقطة غير ثابتة لاى انسان ممكن نكون هناك عشان نودع ناس او عشان نسافر ونسيب الماضى بكل ما فيه وممكن نوصل لحد هناك ويكون فى حاجة غلط ترجعنا تانى ، وممكن نبدا الرحلة ويحصل عطل وترجع الطيارة تانى لنفس المكان و ممكن بعد ما نطير يحصل عطل ونضطر لنزول اضطرارى فى اى مكان واما ناخد طيارة تانية او نكمل فى دى ، وممكن نوصل للمكان التانى بامان ونكمل حياتنا هناك ، طبعا الكلام غريب بس تخيلى ان الحب هو الطيارة اللى بتاخدنا للحلم اللى بنحلمه ، وعموما مفيش اى تفسير واضح للحب غير انه شىء جميل جدا وسلام بقى عشان الحق اربط الحزام لانى ناوى اطلع الرحلة دى

Malooka Yousef يقول...
أزال المؤلف هذا التعليق.
اسماء واحلام فى وجدانى يقول...

اكيد اللى خلاكى كده الامل او انك اقتنعتى ان الدنيا لسة بخير وفيها ناس كويسة كتير بس محتاجة مننا صبر ومفيش حد بيتعلم ببلاش ابدا استحالة لازم كل شىء بنتعلمه يكون له تمن وغالى اوى عشان حياتنا يبقى ليها معنى اجمل لان حياتنا جمالها بيزيد بكترة تجاربنا فيها


اسماء واحلام فى وجدانى

احمد

Malooka Yousef يقول...

الامل هو اللى بيخلينا عايشين واحنا عايشين علشان ندور عليه انا اسفه ع الرد اللى فات يااحمد مش هتلخبط تانى وسورى مرة تانيه وان شاء الله تبقى معانا ف الرحلة

نورتنى

اسماء واحلام فى وجدانى يقول...

طيب ليه حذفتيه
عادى والله مفيش حاجة بس انا حبيت اوضح مش اكتر انى ولد
واكيد العدد هيكمل قريب ونشوف البوست اللى جاى مع اول رحلة هتودينا فين

Malooka Yousef يقول...

لا والله انا اسفه بجد مخدتش بالى الرحلة بقه مش هقولك خليها مفاجاه بس اكيد هفسحكوا متقلقش بس هات اكل معاك عشان الخدمة مش حلوة فوق ههههه

نورتنى

اسماء واحلام فى وجدانى يقول...

ما هى داليا هتجيب معاها انا هاجيبلكم قطط بس مش تخافى وزنهم خفيف وكفاية عليا اكلهم واهو يبقوا ونس ولو حد عملنا حاجة الاخوة دول يخربشوهم

Malooka Yousef يقول...

هههههه تمام انا بحب القطط جدا وان شالله هتبقى رحلة جميلة

نورتنى

اسماء واحلام فى وجدانى يقول...

إن شاء الله

Ramy يقول...

كلامك جميل و مقنع

طب واللى لسه عنده امل حتى لو حبيبه مش حاسس بيه

عارف يبقى مجنون (:

بس يمكن لما يلاقى حب تانى يقدر ينسية الأولانى

بوست هايل

اول زيرة و لن تكون الأخيرة

Malooka Yousef يقول...

مين قالك انه يبقى مجنون مش جنون بس زى ماتقول حب بجنون لكن مش جنون يعنى انت بتحبه وعندك امل انه يحس وهيحس عشان المشاعر دى اكتر حاجه بتتحس وبتبان ولو هو كمان بيبادلك نفس الشعور هيحس

ونورتنى ياباشا